Rheoliadau Gwybodaeth Amgylcheddol 2004 (RhGA)

Fe ddaeth RhGA i rym ar 1 Ionawr 2005 i gyd-fynd â’r Ddeddf Rhyddid Gwybodaeth. Maen nhw’n rhoi hawl i’r cyhoedd i wneud cais am gael gweld y wybodaeth amgylcheddol sydd gan awdurdodau cyhoeddus.

Nid oes rhaid i gais am wybodaeth fod yn ysgrifenedig a does dim rhaid dyfynnu’r rheoliadau. Er hynny, fe fydd yn help pe baech yn ysgrifennu atom yn egluro union natur y wybodaeth yr ydych ei hangen.

Mae diffiniad ‘gwybodaeth amgylcheddol’ yn eang ac yn cynnwys:

• Cyflwr elfennau o’r amgylchedd, fel dwr, pridd, tir, anifeiliaid. 
• Rhyddhau llygredd a.y.y.b., swn, ynni, ymbelydredd, gwastraff ac elfennau tebyg. 
• Mesurau a gweithgareddau fel polisïau, cynlluniau a chytundebau sy’n effeithio neu’n gallu effeithio ar elfennau o’r amgylchedd.
• Adroddiadau a dadansoddiadau cost a budd ac economaidd. 
• Cyflwr iechyd a diogelwch dynol a difwyniad o’r cadwyn fwyd. 
• Safleoedd diwylliannol ac adeiladau (y ffordd y gall cyflwr elfennau o’r amgylchedd effeithio arnyn nhw).
  

Amseru

Mae gan CCGC 20 diwrnod i ymateb i’ch cais RhGA.

Eglurhad

Ambell dro fe fydd cais yn aneglur neu’n rhy gyffredinol. Byddwn felly’n cysylltu â’r sawl sy’n gwneud cais yn gofyn am eglurhad. Byddwn yn stopio’r cloc ymateb o 20 diwrnod tan ein bod yn derbyn eglurhad derbyniol.

Cost

Ni fyddwn yn codi tâl pe bawn ni’n gallu delio â’ch cais o fewn 2.5 diwrnod (£450 cost staff).
(Gweler polisi codi tâl CCGC)

Rheoliadau Gwybodaeth amgylcheddol

Ffurflen gais

Danfonwch eich cais i:
 

Grŵp Partneriaeth, Gwybodaeth a Chyfathrebu
Cyngor Cefn Gwlad Cymru,
Maes Y Ffynnon, Penrhosgarnedd,
Bangor,
Gwynedd
LL57 2DW.
ATI@ccw.gov.uk
01248 385532