Diwrnod Gwlyptiroedd y Byd

Digwyddiadau Cyngor Cefn Gwlad Cymru, Gwlyptiroedd Casnewydd 2013

Dydd Sadwrn 2 Chwefror
9:40am – 11:30am
Diwrnod Gwlyptiroedd y Byd

Taith gerdded i archwilio corsleoedd ac Aber Hafren ar y Diwrnod Rhyngwladol hwn i ddathlu Gwlypdiroedd Rhyfeddol y Byd.

Dewch I weld adar gwyllt sy’n gaeafu megis yr hwyaden gopog, yr hwyaden bengoch, yr hwyaden lwyd, y chwiwell, yr hwyaden lydanbig a rhydwyr megis y gylfinir a phibydd y mawn.

Arweinwyr: Kevin Dupé, Rheolwr y Warchodfa, a Wardeiniaid Gwirfoddol
Man cyfarfod: Maes Parcio’r Warchodfa

Trafnidiaeth Leol: Ewch ar fws rhif 63 am 9 y bore o Orsaf Fysiau Casnewydd. Mae hwn hefyd yn codi teithwyr ar hyd Heol Corporation, wrth ymyl y Corporation Hotel am 9.10 y bore. Bydd bws yn gadael Gwlypdiroedd Casnewydd am 11.36 y bore.

Alla’ i ddygymod â’r daith?
Bydd y rhan fwyaf o’r teithiau’n cynnwys cerdded 3-4 cilometr ar lwybrau sy’n addas i gadeiriau olwyn a chadeiriau gwthio. Bydd teithiau cerdded Allteuryn yn cynnwys llwybrau heb wyneb addas a grisiau i gyrraedd y gwelfannau. Os byddwch angen cyngor ynglŷn â pha mor addas yw taith arbennig, ffoniwch 01633 636363.

Rydym yn argymell yn gryf y dylech wisgo dillad ac esgidiau addas.

Rhad ac am ddim.

Eich Diogelwch
Mae diogelwch pawb a fydd yn cymryd rhan yn y digwyddiadau hyn yn bwysig dros ben i ni. Fodd bynnag, mae damweiniau’n gallu digwydd, a bydd pawb sy’n mynychu yn gwneud hynny ar eu menter eu hunain.

Ni chaniateir cŵn, heblaw cŵn tywys, yn unrhyw un o’r digwyddiadau hyn, oherwydd gallent darfu ar yr adar a’r bywyd gwyllt arall y byddwn yn ceisio’i weld.