Mapio gwely’r môr o amgylch Cymru

Mae HABMAP – sef prosiect sy’n mapio cynefinoedd naturiol ym Môr Iwerddon – wedi cyrraedd carreg filltir bwysig. Erbyn hyn, mae dyfroedd Cymru i gyd wedi’u mapio, yn cynnwys Môr Hafren, aber Afon Dyfrdwy ac aber Afon Hafren am y tro cyntaf. Bellach mae’r holl fapiau ar gael ar y wefan yma.

llun ⓗCCGC

Rhoddwyd HABMAP ar waith yn 2004, ac mae’n defnyddio dull modelu i geisio proffwydo dosbarthiad cynefinoedd ym Môr Iwerddon.

Trwy gyfuno setiau data biolegol a ffisegol ag arolygon biolegol a mapiau acwstig newydd ar draws dyfroedd Cymru, mae gwyddonwyr môr y Cyngor Cefn Gwlad wedi ceisio nodi ble y mae pob cynefin yn debygol o fod.

Mae cael tystiolaeth mor gadarn yn hollbwysig er mwyn sicrhau ein bod yn rhoi cyngor doeth i’r Llywodraeth ac eraill ynglŷn â’r ffordd orau o warchod a rheoli amgylchedd y môr a’i gynefinoedd gwerthfawr.

Mae’r gwaith o fapio cynefinoedd trwy ddyfroedd Cymru wedi deillio o’r gwaith gwreiddiol a wnaed ym Môn Iwerddon. Cafodd hwn ei ariannu gan INTERREG a’i gyhoeddi ar ffurf dau o adroddiadau BIOMÔR, ar y cyd ag Amgueddfa Cymru.

Gwyddonwyr o’r Cyngor Cefn Gwlad, yn ogystal ag ecolegwyr ac arbenigwyr o ABPmer, sydd wedi mynd i’r afael ag ail gam y prosiect, ac aberoedd sydd dan sylw’r tro hwn.

Erbyn hyn, mae canlyniadau’r ymarfer modelu a mapio diweddaraf i’w gweld yn adran “Adnoddau” tudalennau newydd y prosiect HABMAP: http://www.ccgc.gov.uk/landscape--wildlife/habitats--species/habmap.aspx?lang=cy-gb

Yn y fan hon gallwch lawrlwytho adroddiadau a mapiau biotopau rhagfynegol (ar gyfer yr astudiaeth wreiddiol a’r astudiaeth ddilynol), ynghyd â chanlyniadau’r gwaith arolygu a wnaed yn ystod y prosiect.

Diwedd