Yr Helfa Gnau Euraidd

Mae’r People’s Trust for Endangered Species a Natural England yn lansio trydedd Helfa Gnau Euraidd er mwyn gweld ble mae pathewod i’w cael ar draws y wlad.

Cnau cyll yw hoff fwyd pathewod. Yn lwcus i ni, wrth geisio cyrraedd y cnau tu mewn mae pathewod yn gadael olion dannedd amlwg ar y cnau gwyrdd allanol, cyn taflu’r plisg ar lawr y goedwig.

Fe gymerodd miloedd o wirfoddolwyr ran yn y ddwy helfa gyntaf yn 1993 a 2001, gan gasglu cnau cyll mewn mwy na 2,000 o safleoedd. Fe wnaethon nhw helpu i ddod o hyd i 500 o goetiroedd yng Nghymru a Lloegr lle mae pathewod i’w cael.

Yn awr, rydyn ni’n awyddus ichi fentro i’r coed unwaith eto yn ystod yr hydref a’r gaeaf i chwilio am fwy o gnau sydd wedi’u cnoi.

_{Llun ⓗEliana Sevianu}

Pecyn Arolygu

Mae’r Cyngor Cefn Gwlad wedi llunio fersiwn Cymraeg o’r pecyn arolygu. Gallwch lwytho hwn i lawr trwy glicio ar y cyswllt isod.

Pecyn Arolygu
I weld sut allwch chi gymryd rhan yn yr helfa, llwythwch becyn arolygu i lawr.