Ymgynghoriad Bae Lerpwl ar fin dod i ben

Mae cyfle o hyd ichi gyflwyno sylwadau ar y cynnig i ddynodi Bae Lerpwl yn Ardal Gwarchodaeth Arbennig (AGA) ar sail yr adar sydd i’w cael yno. Y dyddiad cau yw Dydd Gwener 26 Chwefror 2010.

Os caiff Bae Lerpwl statws AGA, fe fyddai’r safle’n dod yn rhan o rwydwaith Ewropeaidd o ardaloedd dan warchodaeth – rhwydwaith o’r enw Natura 2000. Pwrpas y dynodiad yma yw gwarchod rhai o ardaloedd bywyd gwyllt pwysicaf Ewrop.

Bae Lerpwl yw un o’r ardaloedd pwysicaf ym Mhrydain i fôr-hwyaid duon a throchyddion gyddfgoch sy’n treulio’r gaeaf ar ddyfroedd yr arfordir.

Bydd yr adborth a gawn ar yr AGA arfaethedig yn helpu i ffurfio’r cynnig terfynol y bydd Llywodraeth y Deyrnas Unedig yn ei roi gerbron y Comisiwn Ewropeaidd yn ddiweddarach eleni.

I gael mwy o wybodaeth am y cynnig a sut i gyflwyno sylwadau ewch i http://www.ccw.gov.uk/landscape--wildlife/protecting-our-landscape/liverpool-bay-pspa.aspx

Diwedd

I gael mwy o wybodaeth, cysylltwch â Helen Evans, Swyddog y Wasg, 01248 387377 neu 07717225589.

Corff a noddir gan Lywodraeth y Cynulliad yw’r Cyngor Cefn Gwlad, ac mae’n gweithio i gael Cymru well lle mae pawb yn trysori ein hamgylchedd naturiol ac yn ei warchod.