Croeso
Mapiau mynediad agored Deddf Cefn Gwlad a Hawliau Tramwy (2000) (CGHT)
Ar y tudalennau yma, gallwch ddod o hyd i fapiau drafft, mapiau dros dro a mapiau terfynol ar gyfer pob un o’r 14 ardal ymgynghori.
Gwybodaeth ychwanegol
Pan ddaeth Deddf CGHT i rym, rhoddwyd y dasg o ddiffinio tir mynediad agored – sef mynydd-dir, gweundir, rhostir, twyndir a thir comin cofrestredig – ar ysgwyddau’r Cyngor Cefn Gwlad.
Y cam cyntaf yn y broses oedd rhannu Cymru yn 14 o ardaloedd ymgynghori gwahanol, gan lunio mapiau ar gyfer pob ardal [mapiau drafft, dros dro a therfynol].
Cwblhawyd y broses hon ym mis Mawrth 2005, ac ym mis Mai 2005 fe lansiwyd y Ddeddf Cefn Gwlad a Hawliau Tramwy.
Y ‘mapiau terfynol’ yma yw’r mapiau sylfaenol a welir yn ffenestr y mapiau mynediad i gefn gwlad.
Hefyd, cânt eu defnyddio gan yr Arolwg Ordnans ar gyfer eu mapiau Explorer 1:25000.
Gallwch gael mwy o wybodaeth am dir mynediad agored a mathau eraill o dir mynediad yn y bennod ‘Mwynhau Cefn Gwlad’.