Llwybr Arfordir Penfro

Dyma Lwybr Cenedlaethol cyntaf Cymru. Mae’n cael ei reoli gan Barc Cenedlaethol Arfordir Penfro yn  Ne-orllewin Cymru. Mae’n ymestyn o Landudoch ger Aberteifi i Gastell Llanrhath i’r dwyrain o Ddinbych y Pysgod. Mae’n 186 milltir( 299.5 km) o hyd.

Mae’n cynnig rhai o’r golygfeydd arfordirol mwya’ trawiadol yng nglwedydd Prydain gan gynnwys clogwyni serth, traethau bychain diarffordd a thraethau glân, agored.

Cerdded y Llwybr

Gallwch fwynhau’r Llwybr fel un daith ddi-dor sy’n cymryd rhwng 10 a 15 niwrnod neu mewn rhannau ar wahân dros nifer o ddyddiau neu benwythnosau.

Mae’r llwybr cyfan yn her gorfforol sylweddol sy’n cynnwys esgyn a disgyn 35,000 o droedfeddi ond mae’r teithiau byr yn cynnig amrywiaeth eang ar gyfer cerddwyr o bob math. Mae rhai rhannau wedi eu haddasu ar gyfer cadeiriau olwyn ac mae eraill yn esgyn yn raddol a heb gamfeydd.

Dim ond rhannau byrion o’r Llwybr sydd ar agor ar gyfer ceffylau a seiclwyr.

Llety

Mae nifer o hosteli ieuenctid, mannau gwely a brecwast a gwestai ar hyd y llwybr. Bydd rhai yn fodlon trefnu i’ch cludo chi o’r llwybr a mynd â chi yn ôl yno’r diwrnod wedyn. Hefyd, mae nifer o fannau gwersylla ar hyd y ffordd – rhai ar gyfer pebyll mawr a charafannau ac eraill yn cynnig cyfleusterau sylfaenol ar gyfer cerddwyr. 

Gwybodaeth

Gallwch gael mwy o wybodaeth am y Llwybr gan Barc Cenedlaethol Arfordir Penfro ar 0845 345 7275.