Cerdded yng Nghymru

Yng Nghymru, gallwch gerdded faint fynnwch chi. O lwybrau arfordirol troellog at  deithiau dros fryniau geirwon a mynyddoedd, o dro hamddenol i deithiau mwy anodd a heriol. Gallwch ddefnyddio ein map mynediad i ganfod amrywiaeth o deithiau neu i gynllunio ymweliadau â Pharciau Gwledig a Gwarchodfeydd Natur ...

Dod o hyd i dro

Mae’r teithiau’n amrywio o’r Llwybrau Cenedlaethol, fel Llwybr Clawdd Offa, i deithiau byrrach yn y wlad fel y gylchdaith yn Nyffryn Llancarfan ym Mro Morgannwg.

Mae gan Gymru bob math o safleoedd yn cynnig pob math o weithgareddau cerdded, o lwybrau mewn coedlannau i ddysgu am ein treftadaeth a gwylio adar. Mae digon o weithgareddau yn y wlad ar gyfer y plant hefyd.

Pa mor dda yw mynediad?

Mae’r llwybrau sy’n cael sylw ar y map mynediad yn cynnwys gwybodaeth am ba mor hawdd yw eu defnyddio. Mae’r wybodaeth wedi ei hanelu at bawb, gan gynnwys cerddwyr gyda theuluoedd ac ymwelwyr llai abl. Mae yno fanylion hefyd am sut i’w cyrraedd gyda thrafnidiaeth gyhoeddus.

Beth yw eich barn?

Mae pob un o’r llwybrau sy’n cael eu dangos yn cael eu rheoli gan awdurdodau lleol ac fe ddylent fod wedi eu cynnal i safon dda. Rydym yn awyddus iawn i glywed eich stori, barn neu brofiad – felly, rhowch wybod i ni os bu problemau neu os oeddech chi wedi mwynhau eich tro.