Sut i ddefnyddio ein mapiau

Mae’n mapiau rhyngweithiol newydd wedi cael eu cynllunio’n arbennig i’ch helpu i ffeindio’ch ffordd yn hawdd drwy safleoedd a nodweddion diddorol niferus Cymru – p’un ai ar dir mynediad agored neu mewn ardal warchodedig arbennig – maen nhw ar y map.  Mae gan bob un o’n mapiau arwyddion a symbolau allweddol i’ch helpu i adnabod y nodweddion yma, mae gan rai diwtorial hawdd ei ddilyn hefyd...

Map mynediad cefn gwlad

Mae’r map mynediad cefn gwlad yn dangos y wlad agored i gyd – y rhostiroedd gwyllt, mynyddoedd, gweundiroedd a ffridd – sy’n dod o dan y Ddeddf Cefn Gwlad a Hawliau Tramwy (CROW).  Mae hefyd yn cynnwys unrhyw dir ‘comin’ a thir cyfyngedig sydd eto i gyd yn agored i grwydro arno.

Dewch i adnabod yr arwyddion a’r symbolau allweddol gynta, ac yna dilynwch ein canllaw ar-lein.

Buan iawn y byddwch yn cynllunio’ch antur yng nghefn gwlad.

Map ardaloedd gwarchodedig

Mae’r map ardaloedd gwarchodedig yn dangos gwir brydferthwch Cymru, yn tynnu sylw at ein Parciau Cenedlaethol, Gwarchodfeydd Natur Cenedlaethol ac Ardaloedd o Harddwch Eithriadol Arbennig.

Mae’r arwyddion a’r symbolau allweddol y byddwch eu hangen i ddatgloi trysorau tir y wlad ar gael.  Bydd y tiwtorial ar-lein yn barod yn yr wythnosau nesaf.

Lawrlwytho ffin System Wybodaeth Ddaearyddol (GIS)

Lluniwyd y drefn lawrlwytho GIS i alluogi mapwyr proffesiynol cofrestredig i lawrlwytho ffin ddigidol ein Safleoedd Gwarchodedig er mwyn eu defnyddio mewn System Wybodaeth Ddaearyddol.

Wedi cofrestru, gall arbenigwyr ddefnyddio’r data GIS sydd ar gael o’r wefan hon, yn amodol ar y telerau a’r amodau, y mae’n rhaid i chi eu darllen.

Rydym wedi gwneud rhai gwelliannau i’n catalog ffiniau, i’ch galluogi i fynd at wybodaeth GIS benodol a’i lawrlwytho yn hawdd iawn.

Nid yw’n dau fap olaf, LANDMAP a’n mapiau rhanbarthol newydd, wedi gorffen cael eu hailddatblygu – ond gwyliwch allan amdanynt yn nes ymlaen yn y flwyddyn.

LANDMAP

Drwy’r Cynulliad Cenedlaethol, mae gan Gymru gyfrifoldeb i reoli ei thir mewn ffordd gynaliadwy.  Y system wybodaeth genedlaethol yw LANDMAP, a luniwyd gan Gyngor Cefn Gwlad Cymru i wneud hynny a fel bod y tirwedd yn cael ei ystyried wrth wneud penderfyniadau.

Mae LANDMAP yn system unigryw, yn caniatau casglu gwybodaeth am y tirwedd, ei drefnu a’i werthuso’n effeithiol.

Mae’n ymdrin â gwybodaeth cymharol wrthrychol – fel math craig a gwybodaeth hanesyddol – ynghyd â meysydd mwy goddrychol, fel dehongli’r tirwedd yn ddiwylliannol.

Er nad yw’r LANDMAP presennol wedi ei ailgynllunio’n helaeth eto, byddwn yn gwneud hynny yn nes ymlaen yn y flwyddyn.