Galeriau Delweddau

Mae amryw o ddelweddau sy’n ymwneud â’r project HABMAP ar gael yma. Mae disgrifiad cryno’n dod gyda phob un o’r delweddau. Yn y galeri mae ffolderi sy’n cynnwys delweddau o’r mannau a gafodd eu harolygu ac o nodweddion gwely’r môr, ffotograffau o lawr y môr a phroffiliau o’r gwaddodion. Mae rhai ffotograffau yno hefyd a gafodd eu tynnu ar fwrdd y llong.

Delweddau o broffil y gwaddodion – lluniau o’r wyneb

Ym mhob un o leoliadau’r arolwg yn ystod taith fôr HABMAP, defnyddiwyd camera tanddwr ar ffrâm i dynnu delweddau o wely’r môr. Mae rhai o’r delweddau o’r gwahanol leoliadau i’w gweld yn y ffolder yma. Os hoffech gael golwg manylach ar nodweddion pob un o’r lleoliadau, llwythwch y ffeil ‘Station_summaries.zip’ i lawr o’r adran ‘Eitemau i’w llwytho i lawr’.

Diolch i Stiofán Creaven o Aquafact am yr holl ffotograffau o’r wyneb.

Safle 5 Arklow. March-anemoni (Urticina eques) a thiwblyngyr trumiog (pomatoceros triqueter) ar dir cobls.

Safle 25 Bae Caernarfon. Dwylo meirwon (Alcyonium digitatum) a seren frau (Ophiothrix fragilis), ar gregyn/graean caregog a chobls ar dywod gweddol fras.

Safle 35 Bae Caernarfon. Dwylo meirwon (Alcyonium digitatum), sêr brau (Ophiothrix fragilis) a chregyn marchfisglod (Modiolus modiolus) ar wely tywodlyd y môr.

Safle 37 Bae Caernarfon. Rhywogaethau o gwrelau (pentapora) ar wely garw o dywod, cregyn a gro.

Safle 39 Trawslun ym môr Celtic Deep. Olion tyrchu a llwybrau (cranc neu gimwch mae’n debyg) ar wely o laid a thywod mân.

Safle 59 Trawslun deheuol yn Sianel Sant Siôr. Gwely o dywod, graean a thameidiau o gregyn, a hen gragen deuglawr.

Delweddau o broffil y gwaddodion – proffiliau

Mae creu delwedd o broffil y gwaddodion yn dechneg arloesol sy’n golygu defnyddio camera arbennig a phrism sy’n treiddio i mewn i wely’r môr i dynnu delweddau o’r 25cm uchaf ohono. Mae cyfansoddiad gwahanol fathau o wely i’w gweld yn y delweddau a gafodd eu tynnu ar wahanol safleoedd yn ystod taith arolwg HABMAP. Os hoffech gael golwg manylach ar nodweddion pob un o’r lleoliadau, llwythwch y ffeil ‘Station_summaries.zip’ i lawr o’r adran ‘Eitemau i’w llwytho i lawr’.

17C Arklow. Gwely unffurf o dywod mân.

22AII Bae Caernarfon. Gwely o dywod mân mwdlyd.

2A Arklow. Tywod garw gyda thameidiau o gregyn.

35A Bae Caernarfon. Sêr brau (ophiuroidea spp) a Dwylo meirwon (Alcyonium digitatum) ar wely o dywod mwdlyd.

35B Bae Caernarfon. Cregyn marchfisglod (modiolus modiolus) ar wely o dywod mwdlyd.

35C Bae Caernarfon. Marchfisglod (modiolus modiolus), Sêr brau (ophiuroidea spp) a Dwylo meirwon (Alcyonium digitatum) ar wely o dywod gweddol arw a chlai siltiog.

37C Bae Caernarfon. Cwrelau (Pentapora spp) ar wely o dywod garw.

41C Celtic Deep. Gwely o laid a thywod mân iawn.

85A Gorllewin Ynys Môn. Clog-glai a thywyrch hydroid yn gorwedd ar haen denau o dywod gweddol arw.

spi_camera.gif. Diagram o ddyluniad camera proffilio gwaddodion Aquafact (www.awuafact.ie). Mae ffotograff o’r camera’n cael ei ddefnyddio yn y galeri o’r delweddau o ’r teithiau môr.

Delweddau aml-belydr - trawsluniau

Delweddau sydd yn y galeri yma o'r pum safle ar wely'r môr lle'r oedd llong ymchwilio HABMAP yn gwneud arolygon.

Defnyddiwyd seinblymwyr aml-belydr i wneud arolygon ar bum safle yn rhannau deheuol Môr Iwerddon fel rhan o broject HABMAP.

Delwedd aml-belydr o ran ogleddol Sianel Sant Siôr. Nodweddion y safle yw creiriau ar y gwely a thonnau yn y gwaddodion.

Delwedd aml-belydr o ran ddeheuol Sianel Sant Siôr. Tonnau yn y gwaddodion sydd i’w gweld yn bennaf. Mae nodwedd ar ffurf cefnen â chrib syth i’w gweld yn y ddelwedd hefyd, yn y gorllewin.

Delwedd aml-belydr o’r ardal arolwg ym Mae Caernarfon. Mae'n cynnwys tonnau yn y gwaddodion, gwelyau o farchfisglod (Modiolus) a brigiadau creigiog.

Delwedd aml-belydr o Celtic Deep, un o'r rhannau dyfnaf o Fôr Iwerddon. Mae’r rhan yng nghornel dde-orllewin y ddelwedd dros 120 metr o ddyfnder.

Delwedd aml-belydr o Arklow. Mae’n bosib gweld tonnau a chrychdonnau mawr yn y tywod yn y ddelwedd, i gyfeiriad y de.

Delweddau aml-belydr – nodweddion gwely’r môr

Yn y galeri yma mae dewis o nodweddion diddorol a oedd i’w gweld yn nata'r seinblymiwr aml-belydr a gasglwyd o wely’r môr yn ystod taith fôr HABMAP

Cefnennau o raean lle mae cytref o arfilod o bosib.

Tonnau yn y tywod yn ardal arolwg Arklow.

Nodweddion sy’n creu crychdonnau yn y tywod yn ardal Arklow.

Gogledd Sianel Sant Siôr. Tonnau yn y gwaddodion a nodwedd ar ffurf cefnen â chrib syth tua 460 metr o led a 15 metr o uchder. Mae olion sgwrio o amgylch yr ymylon.

Nodwedd ar ffurf cefnen â chrib syth a welwyd yn rhan ddeheuol Sianel Sant Siôr, tua 570 metr o led a 17 metr o uchder. Mae olion sgwrio amlwg o amgylch yr ymylon.

Gwaddodion graeanog yn dod i’r wyneb dan haen denau o dywod yw’r olion amlwg ar wely’r môr ym Mae Caernarfon.

Gwelyau o farchfisglod (modiolus modiolus) ym Mae Caernarfon. Maen nhw i’w gweld yn amlwg fel tameidiau o dir brith rhwng y tonnau yn y tywod yng nghanol y ddelwedd, ac yn ymestyn i gyfeiriad y gogledd-ddwyrain.