Polisi dŵr – defnyddio dŵr croyw yn synhwyrol

Rydym yn defnyddio afonydd, llynnoedd, nentydd, gwlyptiroedd, camlesi, pyllau a ffosydd ar gyfer ein cyflenwad dŵr, i gael gwared â sbwriel, cynhyrchu trydan, mordwyo, ac ar gyfer pysgodfeydd, amaethyddiaeth a hamddena. Rydym yn gorfod sicrhau nad yw’r defnydd hwn yn bygwth yr amrywiaeth aruthrol o fioamrywiaeth dŵr croyw a gwlyptir sydd gennym yma yng Nghymru.

Pam ydym ni’n ymboeni am ddyfroedd croyw a gwlyptiroedd?

Mae defnyddio dŵr mewn modd synhwyrol yn hanfodol ar gyfer datblygu cynaliadwy. Mae Cymru’n meddu ar amrywiaeth drawiadol o ardaloedd dŵr croyw a gwlyptir sy’n gynefinoedd pwysig ac yn gartref i lawer o rywogaethau pwysig. Mae digonedd o ddŵr o’r safon iawn yn hanfodol er mwyn iddynt barhau i fodoli yn y dyfodol, a bydd rheoli ein hadnoddau dŵr yn rhan hollbwysig o’r modd y byddwn yn ymateb i newid yn yr hinsawdd. Mae Cyngor Cefn Gwlad Cymru yn cymryd rhan mewn nifer o fentrau allweddol er mwyn sicrhau bod dyfroedd croyw Cymru’n cael eu rheoli’n gynaliadwy.

Polisi, deddfwriaeth a chyfarwyddyd ar gyfer dyfroedd croyw a gwlyptiroedd

Mae nifer o rannau allweddol o ddeddfwriaethau a pholisïau, y gall bioamrywiaeth dyfroedd croyw a gwlyptiroedd elwa arnynt. Mae Cyngor Cefn Gwlad Cymru cynghori ac yn gweithio gydag amrywiaeth eang o bartneriaid er mwyn sicrhau bod cadwraeth bioamrywiaeth a gwarchod yr amgylchedd yn rhan annatod o’r ddeddfwriaeth a’r polisïau sy’n cael eu llunio i reoli dŵr.

Dyma dri phris faes gwaith staff Cyngor Cefn Gwlad Cymru:

• y Gyfeireb Fframwaith Dŵr
• rheoli perygl llifogydd
• llygredd gwasgaredig – rheoli dŵr a thir