Y Gyfeireb Fframwaith Dŵr - Beth ydyw?
Darn rhagweithiol o ddeddfwriaeth amgylcheddol
yw Cyfeireb Fframwaith Dŵr yr UE. Pan ddaeth i rym ym mis Rhagfyr
2000, fe arweiniodd at newid sylweddol yn y pwyslais ar gyfer
rheoli dŵr.
Ei diben yw sefydlu fframwaith i warchod pob un o’r dyfroedd
arwyneb a daear mewndirol, yn ogystal â holl ddyfroedd yr aberoedd
a’r arfordir, sy’n:
"eu hatal rhag gwaethygu rhagor ac yn gwarchod a hybu’r statws
sy’n perthyn i ecosystemau dyfrol ac mewn perthynas â’u
hanghenion dŵr, yr ecosystemau tirol a’r gwlyptiroedd sy’n
dibynnu’n uniongyrchol ar ecosystemau dyfrol" (Erthygl 1).
Mae’n ddarn rhagweithiol o ddeddfwriaeth amgylcheddol am ei fod
yn gorfodi’r UD i sefydlu amcanion dyheadol ar gyfer ecosystemau
dyfrol – ac yna i sefydlu rhaglen o fesurau er mwyn eu
cyflawni.
Bydd yr amcanion a’r mesurau hyn yn cael eu disgrifio mewn
dogfen gynllunio o’r enw Cynllun Rheoli Basn Afon, a bydd yn rhaid
iddo ddod yn rhan o’r gofynion cynllunio presennol. Un o’r
gofynion eraill yn ystod pob cam o’r broses gynllunio, fydd annog y
rhai sydd â diddordeb a’r rhanddeiliaid i ‘gymryd rhan weithgar’ yn
hyn o beth.