Ffin draddodiadol

Mae amrywiaeth cyfoethog o ffiniau traddodiadol yng Nghymru. Mae hyn yn gwahaniaethu un ardal oddi wrth y llall ac yn gwella’r dirwedd. 

Beth yw ffin draddodiadol?

Mae gwahanol fathau o ffiniau traddodiadol- gwrychoedd y Gororau, cloddiau Llŷn a de-orllewin Môn a waliau cerrig uchel y ffriddoedd a’r mynyddoedd.  

Mae’r rhan fwyaf o ffiniau traddodiadol yn parhau i wneud yr un gwaith â phan godwyd nhw yn y lle cyntaf – i nodi rhaniadau rhwng eiddo ac i amddiffyn cnydau ac anifeiliaid.

Maen nhw hefyd yn bwysig ar gyfer bywyd gwyllt – yn rhoi cysgod ac yn diogelu rhywogaethau sy’n methu byw ar dir agored.  

Yn aml, mae ffiniau o ddiddordeb hanesyddol hefyd – yn ein hatgoffa o batrymau tir sy’n bod ers canrifoedd a thir sydd wedi’i drosglwyddo o genhedlaeth i genhedlaeth.

Ar hyn o bryd mae CCG yn casglu mwy o wybodaeth ynglŷn â dosbarthiad y gwahanol ffiniau traddodiadol yng Nghymru. Mae’n hanfodol fod y ffiniau traddodiadol mwyaf prin yn cael eu nodi a’u diogelu.