Gwybodaeth am setiau data SGDd

Mae ein System Gwybodaeth Ddaearyddol (SGDd) wedi ei ffurfio o lawer o setiau data gwahanol, a gallwch lawrlwytho nifer o’r rhain oddi ar y tudalennau hyn.   Casgliad o ddata a gaiff ei storio ar ffurf tabl yw set ddata.   Hefyd, gellir cynrychioli set ddata mewn modd gofodol trwy ddefnyddio map rhyngweithiol.

Mae setiau data safleoedd gwarchodedig y Cyngor yn cynnwys gwybodaeth am y canlynol:

• Safleoedd o Ddiddordeb Gwyddonol Arbenni SoDdGA).
  Mae SoDdGA yn cynnwys amrywiaeth eang o gynefinoedd, gan gynnwys ffeniau bach, dolydd ar lannau afonydd, twyni tywod, coetiroedd ac ucheldiroedd.
  
  
• Ardaloedd Cadwraeth Arbennig (ACA).
  Safleoedd a gaiff eu gwarchod yn llym yw ACA, ac maen nhw wedi cael eu dynodi yn ôl cyfraith Ewrop.
  
  
• Ardaloedd Gwarchodaeth Arbennig (AGA).
  Safleoedd a gaiff eu gwarchod yn llym er mwyn diogelu adar gwyllt yw AGA, a chânt eu dosbarthu dan y Gyfarwyddeb Adar.
  
  
• Gwlyptiroedd o Bwysigrwydd Rhyngwladol (Safleoedd  Ramsar).
  Mae gwlyptiroedd yn ardaloedd hynod  bwysig.Ynddyn nhw, ceir amrywiaeth biolegol rhyfeddol a digonedd o ddŵr ar gyfer cynnal nifer fawr o blanhigion ac anifeiliaid gwahanol.
  
  
• Gwarchodfeydd Natur Cenedlaethol (GNC).
  Yng Nghymru, ceir gwarchodfeydd natur ysblennydd sy’n ymestyn o’r Gogarth yn y gogledd i Ddyffryn Mawddach  yn y de.
  
  
• Gwarchodfeydd Natur Morol (GNM).
  Diben GNM yw gwarchod bywyd gwyllt y môr a nodweddion daearegol o ddiddordeb arbennig, gan ddarparu cyfleoedd yr un pryd i bobl gael astudio’r systemau morol hyn.
  
  
• Ardaloedd o Harddwch Naturiol Eithriadol (AHNE).
  Fel arfer, mae AHNE yn arwydd o dirwedd arbennig a harddwch eithriadol. Nid yw AHNE, o angenrheidrwydd,o werth cadwraethol uchel, ond mewn gwirionedd mae gan sawl ardal o’r fath werth cadwraethol.
  
  
• Arfordiroedd Treftadaeth.
  Cafodd y cynllun i ddosbarthu arfordiroedd treftadaeth ei roi ar waith yn 1972 er mwyn diogelu arfordiroedd sy’n werthfawr o safbwynt eu harddwch a’u nodweddion amgylcheddol ac er mwyn sicrhau na chânt eu datblygu mewn modd amhriodol.  Y Cyngor Cefn Gwlad sy’n gweinyddu arfordiroedd Cymru,
  ac mae 42% o arfordiroedd y wlad yn cael eu diogelu fel rhan o’r cynllun.
  
  
• Gwarchodfeydd Biosffer.
  Prif bwrpas y safleoedd hyn yn ceisio ein cynorthwyo i ddeall sut y gall gweithgareddau dynion effeithio ar y biosffer.   Dynodiadau rhyngwladol a wneir gan UNESCO ydyn nhw, sef Mudiad Addysgol, Gwyddonol a Diwylliannol y Cenhedloedd Unedig, a
  chânt eu seilio ar enwebiadau a wneir gan fwy na 110 o wledydd.Mae gan Gymru un warchodfa a gydnabyddir yn rhyngwladol, a diben hon yw ceisio ein cynorthwyo i ddeall sut y mae ein ffordd o fyw yn effeithio ar y tir, yr awyr a’r dŵr o’n cwmpas.
  
  
• Gwarchodfeydd Biogenetig.
  Mae’r gwarchodfeydd hyn yn tynnu sylw at y darnau hynny o dir sy’n hynod bwysig i fywyd gwyllt.
  
  
• Coetiroedd Hynafol a Lled-naturiol.
  Mae coetiroedd hynafol a lled-naturiol yn rhan hollbwysig o’n treftadaeth. Maen nhw’n darparu amrywiaeth o gynefinoedd sy’n cynnal amrywiaeth eang o blanhigion ac anifeiliaid.Gwelir bod goroesiad nifer o rywogaethau coetiroedd yn dibynnu’n llwyr ar barhad y cynefinoedd hyn.

Sylwer: rydym yn bwriadu ychwanegu mwy o setiau 
data ar-lein – felly cofiwch chwilio eto.