Wrth gadarnhau’r Cytundeb yn 1976, derbyniodd
llywodraeth y DU ymrwymiad i hyrwyddo cadwraeth safleoedd
gwlyptirol o bwysigrwydd rhyngwladol o fewn ei thiriogaethau.
Mae gwlyptiroedd yn hollbwysig i lawer o
fathau o adar, yn enwedig adar dŵr, ac mae gan Gymru rai safleoedd
campus sy’n hanfodol i lawer o blanhigion ac anifeiliaid gwlyptirol
oroesi.
Gall safleoedd gwlyptirol fod yn ddarnau o
gors, ffen, mawndir neu ddŵr agored; naturiol neu artiffisial;
parhaol neu dros dro; â dŵr sy’n groyw, yn lled hallt neu’n hallt.
Gallant hefyd gynnwys darnau bas o’r môr. Mae pob safle Ramsar
hefyd yn SoDdGA.
Mae gwlyptiroedd o bwysigrwydd rhyngwladol yn
cael eu nodi gan y Cyngor Cefn Gwlad, ar y cyd gyda Chydbwyllgor
Gwarchod Natur y DU, ac yn cael eu dynodi gan Brif Weinidog
Cynulliad Cenedlaethol Cymru.