Gwybodaeth Dechnegol

Mae’r canlynol yn rhoi manylion technegol am y data SGDd, gan gynnwys trwyddedu, fformat y data, metaddata a chywirdeb y data.

Gwybodaeth Dechnegol

Trwyddedu Data

Bydd angen cytuno ar drwydded data cyn y gellir lawrlwytho’r data. Bydd y drwydded yn gofyn i chi dderbyn rhai telerau ac amodau penodol sy’n gysylltiedig â defnyddio’r data.

Fformat y data

Mae’r holl setiau data ar gael i’w lawrlwytho naill ai yn fformat MapInfo .Tab neu yn fformat ESRI .shp

Metadata

Bydd metadata sy’n rhoi manylion graddfa/cydraniad, dyddiad y cipio, nodiadau priodoli ac ati’n dod gyda’r holl setiau data a ddarperir.

Mae’r Cyngor Cefn Gwlad wedi mabwysiadu safon metadata ISO 19115, a chynhyrchwyd y metadata, sy’n cael ei ddosbarthu gyda’r data GIS, trwy ddefnyddio meddalwedd MetaGenie v2. Mae hwn ar gael ar GIGateway y Gymdeithas Gwybodaeth Ddaearyddol (Association for Geographic Information).

Cywirdeb y data

• Ffiniau
  Mae ffiniau’r Safle’n diffinio maint arwynebedd y tir dan warchodaeth. Efallai y bydd darnau wedi’u heithrio o fewn ffiniau’r Safle.
  
  Efallai y bydd ffin y Safle’n dilyn nodwedd sydd wedi’i mapio ar fap yr Arolwg Ordnans (OS), megis gwrych neu nant, neu efallai y bydd yn ‘anniffiniedig’. Efallai y bydd yn dilyn nodwedd megis y Marc Distyll Cymedrig sy’n debyg o newid.
  
  
• Graddfa sylfaenol cipio data
  Mae’r rhan fwyaf o’r safleoedd wedi cael eu digido gan ddefnyddio raster digidol OS Landline 1:2500 neu i OS 1:10000 fel canllaw. Mae’r wybodaeth hon yn cael ei phriodoli yn y tablau data.
  
  Gall defnyddio’r data i fapio neu mewn GIS ar raddfeydd eraill ac eithrio’r rhai a nodir uchod arwain at ganlyniadau anrhagweladwy.
  
  
• Systemau Cyfesurynnau
  Mae’r data’n cael ei gipio gan ddefnyddio’r system cyfesurynnau Cartesaidd ar y Grid Cenedlaethol Prydeinig.
  
  
• Cywirdeb y llinell wedi’i digido
  Pan ddefnyddiwyd OS Landline i gipio data yn unol â hi, caiff ei snapio ar bob nod, lle bo’n briodol.
  
  Yna mae’r data’n cael ei gipio yn unol â raster OS 1:10000. Y nod yw +- 0.2 milimetr, wedi’i seilio ar hen safon lluniadu cartograffig yn nyddiau ysgrifbin ac inc, sy’n trosi i 0.5 metr ar y llawr pan y’i defnyddir i gynhyrchu mapiau ar raddfa 1:2500.
  
  
• Sicrhau Ansawdd
  Mae digido’n cael ei wneud gan ddefnyddio amgylcheddau rheoledig er mwyn sicrhau’r dopoleg gywir. Mae plotiau’n cael eu gwneud a’u gwirio yn erbyn y deunydd ffynhonnell.
  
  
• Gwella Cywirdeb Lleoliad (GCL)
  Ar hyn o bryd nid yw setiau data ein Safleoedd dan Warchodaeth wedi cael eu cywiro i fodloni’r rhaglen GCL, ond fe fydd fersiynau a gaiff eu rhyddhau yn y dyfodol.
  
  I gael rhagor o fanylion am GCL ewch i wefan yr Arolwg Ordnans.