Ynys Selyf

Er mai ond oddeutu 600m sy'n gwahanu'r tir mawr oddi wrth Ynys Selyf ac ynys fach Midland tua'r dwyrain iddi, nid hawdd cyrchu ati yn wyneb toreth y creigiau yn Swnt Siôn gyda'i ddylifiadau llanw ffyrnig, clogwyni uchel yr ynys a'i hafanau anodd. Mae'r ynys heddiw'n enwocach fel Gwarchodfa Natur Genedlaethol a Gwarchodfa Natur y Môr gyda'i chynefinoedd adar môr pwysig, ond mae ei harcheoleg yr un mor nodweddiadol.

Crynodeb

_{Hawlfraint y Goron:CBHC}

Rhif cyf: HLW (D) 6

Map AO: Pathfinder 1102 (SM 70)

Awdurdod unedol: Sir Benfro

Fe gynnwys olion creiriol helaeth o gaeau cynhanesyddol a'u haneddiadau bach cysylltiol, y cyfan yn ficrocosm o dirwedd arwahanedig naturiol.

Yn y Canol Oesoedd defnyddid yr ynys ar gyfer ffarmio cwningod, sef dull newydd a gyflwynwyd yn llwyddiannus gan y mewnfudwyr Normanaidd yn y 12fed ganrif ar amgylcheddau twyni ac ynysoedd yn Ne Cymru.

Ers y Rhyfel diwethaf arolygwyd y cyfundrefnau caeau cynhanesyddol droeon. Gyda ffotograffau o’r awyr cafwyd rhagor o fanylion am y cyfundrefnau caeau, ond ceir posibiliadau o hyd i ragor o waith yn y dyfodol. Hefyd mae’r fantais y gellir gweld olion archeolegol ar Ynys Selyf a gall y cyhoedd yn ogystal â’r arbenigwr fynd atynt a’u deall.

Mae disgrifiad llawn o'r ardal dirwedd yma wedi ei gyhoeddi ac ar gael yn awr i'w lawrlwytho fel pdf o fewn yr adran Erthyglau Cysylltiedig isod.

Prif ddynodiadau helaeth:

Mae Ynys Selyf ym Mharc Cenedlaethol Arfordir Sir Benfro. Mae'n Warchodfa Natur Genedlaethol, Gwarchodfa Natur y Môr ac yn Heneb Cofrestredig.

Meini prawf: 2

Cynnwys ac arwyddocâd:

Ar Ynys Selyf, gerllaw arfordir de Sir Benfro, ceir microcosm caeth o weithgarwch dynol, gydag olion creiriol helaeth da o aneddiadau cynhanesyddol, cyfundrefnau caeau a gweithgareddau amaethyddol diweddar.