Sicrhau Ansawdd LANDMAP

Mae’r broses Sicrhau Ansawdd yn gwirio cysondeb a chywirdeb Gwybodaeth fel y medrir cynnal hyder ac addasrwydd i bwrpas.

Bwriad Proses Sicrwydd Ansawdd LANDMAP yw sicrhau bod Gwybodaeth LANDMAP yn cyrraedd safon y cytunwyd arni o ran ymarfer da. Bydd Aseswyr Sicrwydd Ansawdd hyfforddedig yn gwirio arolygon, mapiau a dogfennau sy’n gysylltiedig â LANDMAP er mwyn cynnal hyder yng Ngwybodaeth LANDMAP.

Pwrpas y broses Sicrwydd Ansawdd yw:

• Sefydlu Safonau cydnabyddedig ar gyfer ansawdd Gwybodaeth LANDMAP
• Sefydlu enw da i Wybodaeth LANDMAP sy’n seiliedig ar sicrwydd a chysondeb
• Datblygu gweithdrefnau a fydd yn helpu i gyrraedd y Safon honno ac a fydd yn sicrhau cydymffurfiad parhaus â’r safonau a bennwyd
• Datblygu fframwaith ar gyfer rheoli’r cyfrifoldebau Sicrwydd Ansawdd fel eu bod yn cael eu hintegreiddio’n effeithlon yn LANDMAP

Rhaid i Wybodaeth LANDMAP fynd drwy’r broses Sicrwydd Ansawdd. Bydd data sydd wedi bod drwy’r Safonau Sicrwydd Ansawdd hyn yn dod yn Wybodaeth LANDMAP a byddant wedi cael eu dilysu fel gwybodaeth sy’n gyson, yn gywir ac o safon uchel.

Mae Gweithdrefn Sicrwydd Ansawdd LANDMAP (2007) yn cynnig arweiniad i Arbenigwyr Agweddau sy’n casglu Gwybodaeth LANDMAP, pobl sy’n defnyddio’r wybodaeth ac Aseswyr Sicrwydd Ansawdd. Yn fyr, mae’r Weithdrefn Sicrwydd Ansawdd yn darparu canllawiau sicrwydd ansawdd, yn egluro’r safonau y mae’n rhaid eu cyrraedd, rôl y panel Sicrwydd Ansawdd a’r broses gyffredinol, o gyflwyno gwybodaeth i statws sicrwydd.

Mae’r Broses Sicrwydd Ansawdd yn cael ei goruchwylio a’i gweithredu gan y Panel Sicrwydd Ansawdd. Mae aelodau’r Panel yn cynnwys cynghorwyr o Gyngor Cefn Gwlad Cymru ynghyd ag aelodau allanol sy’n gweithio dan gontract.