Tirwedd a chynllunio

Yr effaith ar dirwedd yw un o’r ystyriaethau pan fydd cynlluniau’n cael eu rhoi gerbron ar gyfer datblygiadau newydd neu pan fydd cais cynllunio.

Ein gwaith ni

Rhaid ymgynghori gyda’r Cyngor Cefn Gwlad ar rai ceisiadau cynllunio – fel arfer datblygiadau diwydiannol a masnachol mawr a rhai a allai effeithio ar safleoedd sydd wedi eu gwarchod a’r tir o’u cwmpas.

Mae’r Cyngor yn ystyried ei bod yn hanfodol iddo fod â llais mewn ceisiadau cynllunio sy’n effeithio ar ardaloedd o ansawdd “eithriadol” o dan LANDMAP.

Bydd y Cyngor Cefn Gwlad yn penderfynu yn ôl yr achos pa un ai i gymryd rhan mewn ceisiadau cynllunio sy’n effeithio ar ardaloedd “ansawdd uchel” LANDMAP ac Ardaloedd Tirwedd Arbennig.

Fydd y Cyngor Cefn Gwlad ddim yn cymryd rhan mewn ceisiadau sy’n effeithio ar ddynodiadau eraill, megis Safleoedd o Bwys i Gadwraeth Natur (SoBiGN) neu Safleoedd Daearegol a Geomorffegol Pwysig Rhanbarthol.

Tirweddau wedi’u gwarchod

Gwarchod tirwedd yw un o flaenoriaethau Parciau Cenedlaethol ac Ardaloedd o Harddwch Naturiol Eithriadol a rhaid ystyried hynny wrth drafod ceisiadau cynllunio.