Coedydd Maentwrog

Mae llwybr natur yn mynd am tua 400 metr trwy Goed Llyn Mair, gyferbyn â’r llyn, gan godi’n eithaf serth hyd gyfres o risiau at orsaf Tan y Bwlch. Mae’r llwybr yn gallu bod yn eithaf cul ar adegau. Mae taflenni’r llwybr ar gael ar y safle.

O gerdded ychydig hyd y gwastad o faes parcio’r orsaf byddwch yn dod at fyrddau picnic a man edrych.

_{Llun ⓗCCGC}

_{Llun ⓗCCGC}

Yn rhan ddeheuol fwy’r goedwig, mae rhwydwaith da o lwybrau cyhoeddus, gan gynnwys un sy’n mynd yn gyfochrog i Reilffordd Ffestiniog cyn belled â’r Dduallt. Mae ail lwybr cyfochrog ychydig islaw hwn.

Er bod mwyafrif y llwybrau yn y rhan yma o’r warchodfa yn glir a phoblogaidd, mae sawl rhan er hynny yn gul, yn serth a chreigiog, oherwydd natur y tir – gallan nhw hefyd fod yn llithrig adeg glaw.

Sut i gyrraedd

Mae’r coetir yn agos at Faentwrog ar ffordd yr A487. Mae llefydd parcio pwrpasol ar gyfer tua 12 car yng Nghoed Llyn Mair ar fin y B4410 i’r gogledd o’r A487, ac mae rhai llefydd hefyd ar gael yng ngorsaf drên bach Tan y Bwlch.

At hynny, mae llefydd parcio ar ochr y ffordd ac arhosfa fysiau ar yr 487 ger yr Oakeley Arms.

Cludiant Cyhoeddus
Mae gwasanaethau bws cyson o Borthmadog, Blaenau, Dolgellau a Harlech. Er mwyn cael rhagor o wybodaeth am amseroedd a gwasanaethau, cysylltwch â Traveline Cymru ar 0871 2002233.

_{Llun ⓗCCGC}

Mae trên bach Ffestiniog rhwng Porthmadog a Blaenau Ffestiniog yn rhedeg o’r Pasg tan fis Tachwedd, gydag ambell wasanaeth arbennig adeg y Nadolig a gwyliau hanner tymor.

Cyfleusterau

_{Llun ⓗCCGC}

Does dim cyfleusterau ar y safle ond mae toiledau hollol hygyrch yng ngorsaf Tan y Bwlch, lle mae caffi, man gwylio a safle picnic hefyd.

Mae safle picnic gwastad ar laswellt yr ochr draw i’r ffordd i faes parcio Coed Llyn Mair, diolch i Barc Cenedlaethol Eryri.

Pwy sy’n gofalu amdani?