Cynlluniau Rheoli Natura 2000

Ar gyfer safleoedd daearol, caiff yr amcanion eu cynnwys fel rhan o Gynllun Rheoli Craidd a fydd hefyd yn cynnwys canlyniadau’r gwaith monitro a chyngor ynghylch unrhyw gamau sydd angen eu cymryd. Ar gyfer safleoedd morol, caiff amcanion cadwraethol eu cynnwys o fewn cyngor diwygiedig a gyhoeddir dan Reoliad 33 y Rheoliadau Cynefinoedd. Mewn rhai achosion, pan fydd dynodiadau’n gorgyffwrdd â’i gilydd, rydym wedi cynnwys un ddogfen sy’n ymdrin â dau neu fwy o ddynodiadau.

Erbyn hyn, mae’r safleoedd hyn wedi cael eu rhannu’n unedau rheoli. Mae hyn yn ei gwneud hi’n haws i bawb ddeall pa ddulliau rheoli sydd eu hangen ar wahanol rannau o’r safle. Gall rhai o’r llecynnau hyn fod yn fawr iawn. Hefyd, dylai hwyluso’r dasg o ddisgrifio unrhyw gamau sydd eu hangen er mwyn dod â’r nodweddion i gyflwr ffafriol neu gyflwr adferol. Mae’r dogfennau hyn yn ymblethu efo Cronfa Ddata Gweithredoedd ar gyfer safleoedd. Offer cynllunio ar gyfer partneriaid sy’n gysylltiedig â chyflawni targed Strategaeth Amgylcheddol Cymru ar gyfer sicrhau bod safleoedd mewn cyflwr ffafriol yw’r Gronfa Ddata.

Mae’r dogfennau hyn wedi eu casglu trwy ddefnyddio’r wybodaeth am y safleoedd sydd ar gael i staff y Cyngor Cefn Gwlad, ac yn aml mae hyn yn llai o lawer nag y byddem yn ei ddymuno. Bydd y dogfennau’n cael ei diwygio wrth i wybodaeth newydd gael ei chasglu neu wrth i’r amgylchiadau ar y safleoedd newid. Fe fyddem bob amser yn falch o gael adborth yn ymwneud â’r dogfennau hyn.